Dessertlar

Bayramona shokoladli tort

Bayramona shokoladli tort har qanday quvonchli marosomning ko’rki bo’ladi. Ayniqsa shokoladni yoqtiradigan insonlar uchun juda yaxshi sovg‘a.

Kerakli mahsulotlar (17.5 cm 4 qavatli tort uchun):

Xamiri uchun:

130 ml oddiy yogurt yoki smetana
240 ml sut (1 choy qoshiq limon sharbati aralashtirilgan)
4 dona tuxum
180 ml o‘simlik yog‘
360 gr un
2 osh qoshiq vanillin
530 gr shakar
5 gr tuz
50 gr kakao kukuni
15 gr razrixlitel
5 gr ichimlik sodasi
200 ml kofe damlamasi

Kremi uchun:

500 ml qaymoq
200 gr shakar kukuni
1 osh qoshiq vanillin

Ganash (tortning ustiga surkash uchun):

100 gr sariyog‘
200 gr shokolad
100 ml qaymoq

Glazur uchun (xohishga qarab):

100 gr shokolad
100 gr qaymoq

Bayramona shokoladli tort uchun xamir tayyorlash

Xamir uchun hamma quruq mahsulotlarni bitta idishda aralashtirib oling. Albatta un va kakaoni elash esdan chiqmasin. Kofe damlamasidan tashqari hamma suyuq mahsulotlarni ham alohida idishda aralashtirib oling.

Endi suyuq aralashma va kofe damlamasini quruq mahsulotlarning ustiga quying. Hammasini aralashtiring.

Xamirni yog‘langan va un sepilgan qoliplarga teng miqdorda quying. Menda ikkita bir xil qolip bor, shuning uchun oldin tortning ikki qavatini pishirdim.

Keyin qolgan ikkita qavatini pishirdim. Torni 170⁰Cda qizib turgan duxovkada 18-20 minut davomida pishiring. Pishib chiqqanligini gugurt cho‘pi bilan tekshirish mumkin.

Tortning hamma qavatlari pishgach, ularni to‘la sovitib oling.

Tort uchun ganash tayyorlash

200 gr shokolad va sariyog‘ni bug‘da yoki mikroto‘lqinli pechda eritib oling. Mikroto‘lqinli pechga oldin 5 daqiqa (sekund)ga qo‘ying. Keyin bir aralashtirib yana besh daqiqaga pechga qo‘ying.

Erigan shokolad va sariyog‘ning ustiga qaymoqni quying. Yaxshilab aralashtirib bir chetga surib turing.

Tort ichiga krem tayyorlash

Qaymoqni shakar kukuni bilan ko‘pirtirib oling. Mana bu linkda qaymoq ko‘pirtirishni to‘la tushuntirganman.

Tortni tayyorlash

Korjlarning ustini tekislab oling.

Keyin qaymoqli kremni uchdan birini tortning birinchi qavatiga surkang. Shu yo‘l bilan qolgan korjlarni ham ustma-ust qilib, krem bilan yopishtirib oling. Eng tepa qavatiga qaymoqli krem surkalmaydi.

Endi ganashni olib torting atrofi va ustiga surkab chiqing. Ganashni shpatula bilan tekislab oling.

100 gr shokolad 100 gr qaymoq bilan birgalikda eritib oling. Bu eritma biroz sovigach, tortning ustiga quying.

Bayramona shokoladli tort tayyor. Uni shunday ham dasturxonga tortish mumkin, yoki ustini xohishga qarab ustini bezatish mumkin. Men qaymoqli kremdan ozgina saqlab qo‘ygan edim. Tortning ustiga va yoniga shu kremdan mayda gullar chiqardim.