Bolonya spagettisi – Spaghetti bolognese

Bolonya spagettisi Italiyaning shimolida joylashgan Bolonya shahrida birinchi marta tayyorlangan va u italyan spagetti souslarining eng mashhuri.

Kerakli mahsulotlar (7-8 portsiya uchun):

500 gr mol go‘shtining qiymasi
2 dona piyoz
1-2 dona bulg‘or qalampiri
2-3 dona sabzi (hajmiga qarab)
4-5 dona pomidor yangisi yoki konserva bankasidagi
2 dona seldr (сельдерей)
3 dona chesnok tishi
2 osh qoshiq zaytun (olivka) yog‘i
Yarim bog‘ rayhon barglari
20-30 gr parmazan pishlog‘i

Ziravorlar:

Yarim choy qoshiq shakar
Yarim choy qoshiq quritilgan oregano va rayhon
1 choy qoshiq rozmarin
2 dona lavr bargi
1 dona ziravorlar zahirasi (masalan Maggi kubiklari)
Ta’bga qarab tuz va murch
800 gr spagetti

Tovaga yog‘ni quying va uning ustiga go‘shtni solib qo‘g‘iring.

Go‘sht qizargach, uning ustiga mayda to‘rg‘algan piyozni soling va piyoz och tilla rang bo‘lgach, qirg‘ichdan o‘tkazilgan sabzi, mayda to‘rg‘algan bulg‘or qalampiri va seldrni tovaga soling.

Hammasini bir-ikki qog‘iring.

Keyin mayda to‘rg‘algan pomidorni ham soling (men konserva bankasidagidan foydalandim)

Endi ziravorlarni, rayhonni, rozmarinni qo‘shing va sousni aralashtiring.

Ziravorlar zahirasini 1 litr qaynagan suv bilan aralashtiring va tovaga quying.

Bolonya sousi qaynab chiqqach uni past olovda, usti yopilgan holda 1.5 soat qaynating. Ora-orada aralashtirib turing.

Bu orada sous quyiladi. Endi qirg‘ichdan o‘tkazilgan parmazan pishlog‘ini qo‘shing.

Bolonya sousi tayyor. Buni pishgan spagettining ustiga quyib dasturxonga torting. Bolonya spagettisi ustiga yana rayhon, parmazan va murch sepish mumkin.

E’tibor qiling:

Go‘sht tovaga solinganda uni qoshiq bilan yaxshilab maydalab yuboring, bo‘lmasa u bir-biriga yopishib pishadi va sous bir tekis chiqmaydi.

Pomidorlar qanchalik yetilib pishgan bo‘lsa, sous shunchalik shirin chiqadi.

Bu sousni oldindan tayyorlab qo‘yish, muzlatish (1 oygacha) va xolodilnikda (2-3 kungacha) saqlash mumkin. Kerak bo‘lganda spagetti pishirib aralashtiriladi.

Odatda bolognese uchun spagettining uzun va yapoloq turi ishlatiladi, masalan, tagliatelle turi. Lekin boshqa spaghetti turidan ham foydalansa bo‘ladi.

Yoqimli ishtaha!!!

Blogda yana boshqa mazali spagetti uchun souslarning retseptini topasiz.

Telegram kanalimizga ulaning

Veb sahifa: www.juvajon.com