Chak-chakning turlari juda ko‘p. U sobiq sovet Ittifoqining deyarli barcha mamlakatlarida tayyorlanadi. Bugungi retsept uning klassik retsepti. Marxamat chak-chak retsepti bilan tanishing.
Idishda tuxum, choy sodasi va tuzni aralashtiramiz.
Keyin ularning ustiga un solamiz va xamir qoramiz. Chak-chak xamiri yopishqoq bo‘ladi. Unga 7-8 minut atrofida ishlov beramiz. Keyin ustini o‘rab, yarim soat tindiramiz.
Chak-chak xamiri tindi. Endi uni rasmda ko‘rsatilgandek qilib yupqa qilib yoyib olamiz. Juda yupqa bo‘lib ketmasin.
Undan 2sm enlikda lentalar kesib olamiz. Kesilgan lentalarning bir tomonini 3 minutdan qayzitib olamiz. Ikki tomoniga 6 minut ketadi.
Endi lentalarni somoncha qilib to‘rg‘ab olamiz, gugurt cho‘pi kattaligida.
Chak-chak qo‘g‘irish
Yog‘ni tovaga quyamiz va qizdiramiz. Qizigan yoqqa bir hovuch atrofida xamirdan solamiz va aralashtiramiz.
Chak-chaklar 7-8 daqiqada yuzaga ko‘tarilib chiqadi. Klassik chak-chak och tilla rangda bo‘ladi. Pishgan chak-chakni qog‘oz sochiqqa qo‘yamiz, ortiqcha yog‘ini tortib olishi uchun. Hamma chak-chakni shu usulda pishirib olamiz.
Shakar va suvni qozonchaga solamiz. Uni olovga qo‘yib 25 minut atrofida qaynatamiz. Endi ustiga asalni qo‘shib, yana 10-15 minut qaynatamiz. Sirop tayyor bo‘lgach, olovni o‘chiramiz.
Endi issiq siropni chak-chakning ustiga quyamiz. Katta qoshiq yoki kapgir bilan aralashtiramiz.
Endi uni yog‘langan idishchalarga bo‘lib olamiz. Qo‘lni ho‘llab, chak-chakning ustini bosib olamiz. Ta’bga qarab ustiga maydalangan yong‘oq yoki qandolat mahsulotlari sepish mumkin.
Chak-chakni 1-2 soat tindirib, dasturxonga tortamiz.
Chak-chakni pishirishda yog‘ juda issiq bo‘lmasligi kerak. Bo‘lmasa ular bir tekis pishmaydi.
Siropni tayyor bo‘lganligini tekshirish uchun bir-ikki tomchi siropni sovuq suvga soling. Agar sirop suvga aralashib ketsa uni yana biroz qaynating.
Blogda yana boshqa mazali pishiriqlarning retseptini ham topasiz. Masalan, qrim paxlavasi yoki qozon somsa.
Veb sahifa: www.juvajon.com
Medovik tortining retseptlari juda ko‘p. Hammasi o‘ziga yarasha mazali va… Qolganini o'qish
Qizil barxat torti AQSHning Mariland shtatida XX asrning boshlarida paydo… Qolganini o'qish
Bolonya spagettisi Italiyaning shimolida joylashgan Bolonya shahrida birinchi marta tayyorlangan… Qolganini o'qish
Afg‘oncha napoleon torti O‘zbekistonda keng tarqalgan tortlardan biri. Uning mazasi… Qolganini o'qish
Frittata juda mazali, hamda oqsil va vitaminlarga boy. Nonushta yoki… Qolganini o'qish
Oshqovoqli karri yana bir ajoyib hind taomidir. Bu sog‘lom va… Qolganini o'qish