Fransuzcha baget noni Fransiyaning belgisidir. U dunyodagi eng shirin nonlardan biri, lekin oddiy mahsulotlardan tayyorlanadi. Bagetning usti qattiq-qarsildoq, ichi esa yumshoq bo‘ladi. Odatda uni maxsus suv purkaydigan duxovkada pishirishadi. Bugun biz uni uy sharoitida tayyorlaymiz.
Laganda un va tuzni aralashtiring.Uning ustiga xamirturushni iliq suv bilan aralashtirib quying va yog‘och qoshiq bilan xamir qoring.
Bu xamir qo‘lga yopishadigan bo‘lganligi uchun qoshiq ishlatish oson bo‘ladi. Xamir yopishqoq, lekin laganning devoridan oson uziladigan bo‘lishi kerak.
Endi xamirni ustini o‘rab uni 12-15 soat oshiring (vaqt havo haroratiga bog‘liq). Hammaning o‘zi yoqtirgan xamir oshiradigan joyi bo‘ladi. Meniki duxovka yoki mikro to‘lqinli pechning ichidir, albatta o‘chirilgan holatda.
Vaqt o‘tgach (men 15 soat oshirdim) xamirni un sepilgan stolning ustiga to‘rtburchak shaklda qo‘ying. Endi uni 4 ga bo‘lib oling.
Bitta xamirni oling va qo‘l bilan sal yapaloqlab, keyin uni rulet qilib o‘rab oling. Endi xamirni biroz ikkala qo‘lni ishlatib cho‘zib oling.
Shakl berilgan bagetni fergament qog‘ozi va ozgina mannaya krupa sepilgan listga qo‘ying.
Xamirning hammasini shunday qilib yasab oling. Tekis bo‘lishi shart emas,
Men bitta listga ikkita joyladim. Lekin uchta ham sig‘dirish mumkin. Endi nonlarning ustini un sepilgan sellofan bilan yoping. Bo‘lmasa sellofan xamirga yopishib qolishi mumkun. Ularni 1 soat oshiring.
1 soat o‘tgach nonlarning ustini lezviya yoki qaychi bilan rasmda ko‘rsatilgandek qilib kesib oling. Men qaychi ishlatdim. Qaychi ishlatilganda kesilgan joyi uchli bo‘lib qoladi, o‘sha joyini qo‘l yoki qaychi bilan sal bosib qo‘ying.
Men ikkita bagetning ustiga ozgina un sepdim, bu nonlar pishganida boshqacharoq ko‘rinish bo‘ladi.
Keyin nonlarning ustiga ozgina sovuq suv seping. Men maxsus purkaydigan butilkadan foydalandim.
Endi duxovkani 250°C ga qizdiring va eng pastiga chuqurroq bo‘sh idish soling (men keks qolip soldim). Qizigan bo‘sh idishga sovuq suv quying va listdagi bagetlarni duxovkaga soling.
Besh minutdan so‘ng duxovkani ochib bagetlarning ustiga suv purkang va yana duxovkaning eshigini yoping.
Yana besh minut o‘tgach yana shu jarayonni takrorlang. Keyingi besh minut o‘tgach bagetlar pishadi.
Demak, bagetlar hammasi bo‘lib 15-16 minutda pishadi va u vaqtning orasida ularning ustiga ikki marta suv purkalishi kerak.
Bagetlar pishgach ularni ustini ochib soviting va keyin dasturxonga torting.
Xamir bilan ishlayotganda faqat keragicha un seping, ko‘p sepmang.
Bo‘sh idishni qizdirib, suv quyishdan maqsad duxovkaning ichida bug‘ yaratish.
Fransuzcha bagetning ustini ochib sovitish kerak, bo‘lmasa u yumshoq bo‘lib qoladi va non bagetning ta’mini yo‘qotadi.
Yoqimli ishtaha!!!
Keyingi safar pishirish uchun nonlar bo’limidagi boshqa retseptlarni ham ko’ring. Masalan italyancha Focaccia juda ham noyob va mazali nonlardan biri.
Veb sahifa: www.juvajon.com
Medovik tortining retseptlari juda ko‘p. Hammasi o‘ziga yarasha mazali va… Qolganini o'qish
Qizil barxat torti AQSHning Mariland shtatida XX asrning boshlarida paydo… Qolganini o'qish
Bolonya spagettisi Italiyaning shimolida joylashgan Bolonya shahrida birinchi marta tayyorlangan… Qolganini o'qish
Afg‘oncha napoleon torti O‘zbekistonda keng tarqalgan tortlardan biri. Uning mazasi… Qolganini o'qish
Frittata juda mazali, hamda oqsil va vitaminlarga boy. Nonushta yoki… Qolganini o'qish
Oshqovoqli karri yana bir ajoyib hind taomidir. Bu sog‘lom va… Qolganini o'qish