Katsu karri – Yaponcha tovuqli karri

Katsu karrining vatani Yaponiyadir. Hozirda katsu karri Avstraliya, Britaniya, Gavay orollari va dunyoning boshqa joylarida ko‘p tayyorlanadi. Katsy karrining turlari ko‘p. Bugungi retsept g‘arb va arab mamlakatlarida keng tarqalgan mashhur Wagamama restoranlar tarmog’ining retsepti bo‘yicha tayyorladim. Wagamama bu retseptni Koronavirus pandmiyasi davrida ommaga chiqardi. Ungacha, ko‘p yillar davomida sir saqlagan. Oson va mazali retsept.

Kerakli mahsulotlar (4 portsiya uchun):

Katsu karri sousiga:

1-2 dona piyoz (hajmiga qarab)
3 dona chesnok tishi
10 gr zanjabil (имбирь) (men qurug‘idan ishlatdim)
15 gr un
1 choy qoshiq shakar
1 osh qoshiq kokos yog‘i yo‘q bo‘lsa o‘simlik yog‘i
Yarimta tovuq zaxirasi, ya’ni kubigi (300 ml suv bilan eritilgan)
2 osh qoshiq soya sousi
250 ml kokos suti
1 choy qoshiq kukurma
2 osh qoshiq karri uchun ziravor
1 choy qoshiq shakar
Tuz va murch

Tovuqni pishirish uchun

100 ml osh qoshiq o‘simlik yog‘i
4 dona tovuq go‘shtining ko‘krak qismi
100 gr un
200 gr tolqon
1-2 dona tuxum (hajmiga qarab)

Katsu karri sousini tayyorlash

Idishga kokos yog‘ini soling. U erigach mayda to‘rg‘algan piyoz, chesnok va zanjabilni soling. Ziravorlarni qo‘shing.

Hammasini qo‘g‘iring. Piyoz qizarganda ustiga unni soling va qo‘g‘iring.

Keyin tovuq zaxirasining eritmasini va kokos sutini quying. Ustiga soya sousini quying. Shakar va tuzni soling.

Karrining sousini 10-15 minut o‘rtacha olovda qaynating. Sous qaynab turgunicha, karrining go‘shtini pishirib oling.

Katsu arri uchun go‘shtni tayyorlash

Un, tuxum va tolqonni alohida idishlarga soling. Un va tuxumga ozgina tuz seping. Endi tovuq go‘shtini unga bulang. Keyin tuxum va oxirida tolqonga bulang.

Endi tovaga o‘simlik yog‘ini quyib qiziting. Qizigach unga tovuq go‘shtini soling. Go‘shtning ikkala tomonini tilla rang qilib qo‘g‘iring. Tovuq go‘shtining qalinligiga qarab, uning pishishiga 10-15 minut vaqt ketadi. Tovaning ustini yopmang.

Pishgan tovuq go‘shtini qog‘oz salfetkaga qo‘ying. Ortiqcha yog‘ini tortib oladi.

Bu orada karrining sousi ham quyuqlashadi. Endi uni elakdan o‘tkazib oling (xohishga qarab).

Katsu karri tayyor. Uni dasturxonga pishgan guruch va salat bargi bilan torting (Wagamamada shunday tortiladi). Avval guruchni soling va ustiga karrining sousidan quying. Eng ustiga tovuq go‘shtini qo‘ying.