Kinva – oqsil, vitamin va minerallarga bo‘yligi bilan hamma don o‘simliklaridan yuqori turadi. G‘arbda u “super food”, ya’ni super taom, hisoblanadi. Bu salat ovqat o‘rnini bosadi va odam uchun kerakli hamma ozuqaviy moddalarga to‘la. Kinva salat sog‘lom ovqatlanishdagilar uchun ajoyib taom.
Ishni kinvani pishirib olishdan boshlaymiz. Buning uchun 300gr yuvilgan kinvaga 600 ml sovuq suv va bir chimdim tuz solib qaynatamiz.
Qaynab chiqqach olovni pasaytirib yana 10 minut atrofida yoki kinva yumshoq bo‘lguncha, qopqog‘ini yopib qaynataniz. Kinva hamma suvni tortib olishi kerak. So‘ngra olovni o‘chirib, kinvani bir chetga olib qo‘yamiz.
Kinva pishayotganda salatga ketadigan boshqa masalliqlarani tayyor qilib olamiz.
Pishloq va pishgan qizilchani maydaroq kubik shaklida to‘rg‘ayimiz (rasmga qarang). Agar katta pomidor ishlatilsa uni ham kubik qilamiz. Cherri pomidor bo‘lsa ularni o‘rtasidan bo‘lamiz. Tovada qizdirilgan yong‘oqni ham maydalab olamiz.
Qopqoqli idishga zaytun yog‘ini quyib, unga bitta limonning sharbatini, ozgina tuz va murch qo‘shamiz.
Endi qopqoqni makkam yopib, aralashmani yaxshilab 1 minut davomida silkitamiz.
Bu sousning yarmidan ko‘pini pishgan kinvaning ustiga quyamiz. Vilka yordamida aralashtirib olamiz. Sousning ozginasini salatning ustiga quyishga olib qo‘yamiz.
Salatning hamma qismlari tayyor. Endi uni yig‘ishga o‘tamiz.
Xohishga qarab tarelkaga salat bargidan solamiz. Uning ustiga kinvani bitta odam uchun mo‘ljallab solamiz (rasmda ko‘rsatilgan).
Endi uning ustiga qizilcha, pishloq va pomidorni solamiz va sousdan ozgina quyamiz.
Eng oxirida yong‘oqdan sepib salatni dasturxonga tortamiz.
Kinvaga ko‘p suv qo‘shib yubormang, bo‘lmasa u yopishqoq (lanj) bo‘lib qoladi.
Agar fasli bo‘lsa anor donalarini ham bu salatga qo‘shilsa yana ham ko‘rinishi ajoyib bo‘ladi.
Xona haroratidagi limondan ko‘proq sharbat chiqadi.
Yong‘oq tovada biroz qizdirilsa, mazasi yanada yaxshilanadi.
Bu salatni xolodilnikda bir necha kungacha saqlash mumkin.
Yoqimli ishtaha!!!
Ovqat o’rnini bosuvchi boshqa bir necha xil salat retseptlarini mana bu yerdan topasiz. Masalan, Grekcha salat va Nicoise salati ham sog’lom, ham ovqat o’rnini bosuvchi salatlar.
Veb sahifa: www.juvajon.com
Medovik tortining retseptlari juda ko‘p. Hammasi o‘ziga yarasha mazali va… Qolganini o'qish
Qizil barxat torti AQSHning Mariland shtatida XX asrning boshlarida paydo… Qolganini o'qish
Bolonya spagettisi Italiyaning shimolida joylashgan Bolonya shahrida birinchi marta tayyorlangan… Qolganini o'qish
Afg‘oncha napoleon torti O‘zbekistonda keng tarqalgan tortlardan biri. Uning mazasi… Qolganini o'qish
Frittata juda mazali, hamda oqsil va vitaminlarga boy. Nonushta yoki… Qolganini o'qish
Oshqovoqli karri yana bir ajoyib hind taomidir. Bu sog‘lom va… Qolganini o'qish