Shohona muz-qaymoq – uy sharoitida tayyorlash

Muz-qaymoq bolalar va kattalarning sevimli dessertidir, ayniqsa yoz oylarida. Bugun men uy sharoitida juda mazali muz-qaymoq tayyorlashni bo‘lishaman. Uyda tayyorlangan muz-qaymoq zararli moddalardan holi bo‘ladi. Bu muz-qaymoqning ta’mi ham ko‘chada sotiladigan muz-qaymoqlardan ancha boy va shirin bo‘ladi.

Kerakli mahsulotlar (850 ml uchun):

• 500 ml qaymoq
• 350 ml quyiltirilgan sut (сгущенное молоко)
• 2 osh qoshiq vanilin

• Qaysi ta’mdagisini tayyorlamoqchi bo‘lishingizga qarab pista, bodom, Oreo pechenyesi, shokolad maydasi va eritmasi, hamda kofe damlamasi kerak bo‘ladi.

Muzdek idishga qaymoq, quyultirilgan sut va vanilinni soling. Uni mikser bilan ko‘pirtiring. Qaymoqning ustida iz qolishi bilan mikserni to‘xtating. Endi buni to‘rtga bo‘ling.

Birinchi ta’m uchun maydalangan oreo aralashtiring.

Ikkinchi uchun esa mayda shokoladlar va eritilgan shokolad qo‘shing. Bir-ikki aralashtiring. Shunda muz-qaymoqda shokoladli lentalar paydo bo‘ladi.

Uchinchi muz-qaymoq uchun maydalangan pista qo‘shib aralashtiring.

To‘rtinchisi uchun bo‘lsa 1 osh qoshiq kofe damlamasi va maydalangan bodom qo‘shing. Kofe damlamasi albatta muzdek bo‘lishi kerak. Keyin miksers bilan biroz ko‘pirtirib oling, kofe damlamasi aralashishi uchun. Muz-qaymoqning bu turi ko‘proq kattalarga yoqadi.

Hammasini idishlarga solib 4-5 soat muzlatgichda qo‘ying.

Vaqt o‘tgach muz-qaymoqni idishga solib, dasturxonga torting.

E’tibor qiling:

Agar faqat kofe ta’mli muz-qaymoq qilmoqchi bo‘lsangiz, kofe damlamasini qaymoqni ko‘pirtirishdan oldin qo‘shing. Men boshqa ta’mlar ham tayyorlaganim uchun oxirida qo‘shdim.

Yoqimli ishtaha!!!

Blogda boshqa mazali dessertlarning rtetseptini ham topasiz. Aytgancha, blogda muz-qaymoq bilan yeyiladigan bir nechta dessertlar bor, masalan Shokoladli Brauni.

Telegram kanalimizga ulaning

Veb sahifa: www.juvajon.com