Dessertlar

Vanilla va shokolad torti

Vanilla va shokolad torti tayyorlashga juda oson va mazali tort. Uning tarixini aniq bilmayman. Lekin mazasi zo‘r ekanligini aniq bilaman.

Kerakli mahsulotlar (28×27):

Xamiriga:

4 dona tuxum
200 gr shakar
350 gr un
200 ml o‘simlik yog‘i
200 ml sut
1 osh qoshiq razrixlitel
1 chimdim tuz
3 osh qoshiq kaka

Kremi uchun:

700 ml sut
1 osh qoshiq un
1 osh qoshiq kraxmal
200 gr shakar
30 gr sariyog‘
Ozgina tuz
100 ml qaymoq (xohishga qarab)
2 osh shakar kukuni (xohishga qarab)

Vanilla va shokolad torti uchun krem tayyorlash

Qozonchada un, shakar, tuz va kraxmalni aralashtirib oling. Keyin sutni oz-ozdan quying. Hammasini yaxshilab aralashtiring. Keyin past olovga qo‘ying.

Krem quyuqlashgach, olovni o‘chiring. Sariyog‘ va vanillinni qo‘shing. Sariyog‘ to‘la erigach, kremni boshqa idishga quying. Uning ustini sellofan bilan o‘rab, sovitish uchun olib qo‘ying. Sellofan kremining ustiga tegib tursin.

Tortga xamir tayyorlash

Tuxum va shakarni mikser yordamida ko‘pirtirib oling.

Keyin ustiga sut va yog‘ni quying. Bir-ikki mikser bilan aralashtiring. Vanillinni ham qo‘shing.

Endi quruq mahsulotlarni elakdan o‘tkazib suyuq mahsulotlarning ustiga qo‘shing.

Hammasini mikser bilan aralashtiring.

Xamirni yog‘langan qolipga quying.

Uni 180⁰Cda qizib turgan duxovkada 25 minut davomida pishiring. Tortning pishib chiqqanligini gugurt cho‘pi bilan tekshirish kerak.

Endi tortni to‘la sovitishga qo‘ying.

Sovigan tortni rasmda ko‘rsatilgandek qilib teshib chiqing. Men buning uchun tortga gul chiqaradigan nasadkadan foydalandim.

Endi ko‘pirtirilgan qaymoq va sovigan zavarnoy kremni aralashtirib oling.

Kremni qoshiq bilan tortning ustidagi teshiklarga quyib chiqing. Keyin qolgan kremin tortning ustiga to‘la quying.

Tortning orasidan chiqqan bo‘laklarni maydalab oling.

Ushoqlarni tortning ustiga seping.

Vanilla va shokolad tortini kamida 5 soat yoki kechasi bilan xolodilnikda tindiring.

Keyin uni dasturxonga torting.

E’tibor qiling:

Men birdaniga bitta katta va bitta kichkina tort tayyorladim. Shuning uchun rasmdagi mahsulotlar miqdori ko‘p.

Tortni faqat zavarnoy kremning o‘zi bilan, ko‘pirtirilgan qaymoqsiz, ham tayyorlash mumkin. Lekin, mening nazarimda qaymoq qo‘shish kremning mazasini yaxshiladi.