Nonushta

Daniya bulochkasi yoki Danish pastry

Daniya bulochkasining kelib chiqish tarixi qiziq. 1850 yilda Daniyalik novvoylar (bakers) ish tashlagan. Shunda novvoyxona egalari Avstriyadan ishchilar olib kela boshlashgan. O‘sha ishchilar Daniya bulochkalarini yaratishgan. Hozirda bu bulochkalar Daniyaning belgilaridan biriga aylangan. Daniya bulochkasi juda mazali bo‘lganligi sababli hozirda dunyoning ko‘p joylarida sevib iste’mol qilinadi. Oldindan retseptning murakkabligi bilan ogohlantiraman. Lekin daniya bulochkasi sarflagan mehnatingizga arziydi.

Kerakli mahsulotlar (18-20 dona daniya bulochkasi uchun):

Xamiriga:

500 gr un (men non uchun un va oddiy unni aralashtirdim)
8 gr xamirturush
50 gr shakar
1 dona tuxum
Yarim choy qoshiq tuz
250 gr sariyog‘ (margarin emas)

Zavarnoy krem uchun (150 ml atrofida):

1 dona tuxum
200 ml sut
Yarimi osh qoshiq kraxmal
Bir chimdim tuz
Yarim osh qoshiq un
Ozgina vanillin

1-chi turi (pin g‘ildiragi) uchun:

85 gr maydalangan yong‘oq
50 gr jigarrang shakar (yo‘q bo‘lsa oq shakar)
1 osh qoshiq asal yoki maple/golden sirop
25 gr sariyog‘

Uchinchi turi uchun:

50 gr mayda shokoladlar
50 gr yong‘oq

Zavarnoy krem tayyorlash retseptini mana bu linkdan topasiz.

Daniya bulochkasi uchun xamir tayyorlash

Idishda un, shakar, xamirturush va tuzni aralashtirib oling. Tuz va xamirturushni bir-biridan uzoqqa soling. Ularning ustiga tuxum va iliq sutni quyib xamir qoring. Xamir yumshoq, lekin qo‘lga yopishmaydigan bo‘lishi kerak.

Endi xamirning ustini o‘rab 40-60 minut davomida oshiring.

Oshib chiqqan xamirning havosini chiqarib tashlang. To‘rtburchak shakliga olib keling. Keyin 1-2 soatga xolodilnikka solib qo‘ying, albatta xamirning usti o‘ralgan bo‘lishi kerak.

Ungacha sariyog‘ni tayyorlab oling.

Daniya bulochkasi uchun sariyog‘li plastinka tayyorlash.

Sariyog‘li plastinka tayyorlash jarayonini mana bu linkda to‘la topasiz.

Endi xamirni oling va uni 1sm atrofidagi qalinlikda to‘rtburchak shaklida yoyib oling. Endi uning teng yarmiga tayyor sariyog‘ plastinkasini qo‘ying.

Xamirning ikkinchi tomoni bilan sariyog‘li plastinkani yoping. Chetlarini juva bilan biroz bosib chiqing.

Xamirni uzunasiga biroz yoyib oling.

Keyin xamirning eng tepa tomoni uning qoq o‘rtasiga olib keling. Xamirning eng pastiki tomonini ham o‘rtasiga olib keling.

Endi ikkala tomonni ustma-ust qiling (rasmga qarang).

Xamirni o‘rab 30-40 minutga xolodilnikka solib qo‘ying. Men xamirni odatda oldin sariyog‘li plastinkadan chiqqan qog‘ozga, keyin ustidan sellofan paketga o‘rayman.

Vaqt o‘tgach xamirni 50 sm atrofida to‘rtburchak shaklda yoyib oling. Keyin uni uchga buklab, yana xolodilnikda 30-40 minut dam yediring. Bu jarayonni yana 3 marta qaytaring. Xamir har safar qaram-qarshi tomonga yoyilishi kerak.

Eng oxirgi yoyishdan so‘ng xamirni kechasi bilan xolodilnikda qoldiring.

Daniya bulochkasi tugish

Ertasiga ertalab uni 70×50 sm atrofida yoyib oling. Chetlarini tekislab oling.

Endi xamirni teng ikkiga bo‘lib oling. Uning birinchi yarmini 9 ta kvadratga bo‘lib oling. Ikkinchi yarmini esa butun qoldiring.

Bugun uch xil turdagi daniya bulochkasi tayyorlaymiz.

Birinchi turi- pin g‘ildiragi uchun (pin wheel) :

Yong‘oq, sariyog‘‘, shakar va asalni aralashtirib oling.

Kvadratni burchagidan markazga qaratib kesib oling.

Endi bu burchaklarni xayolingizda birinchi va ikkinchi deb belgilab oling. Har birinchi burchakni kvadratning markaziga olib keling. Barmoq bilan markazga yopishtiring. Rasmda ko‘rsatilgan.

Keyin ulaning o‘rtasiga yong‘oqli aralashmadan soling. 1 osh qoshiqdan soling.

Ikkinchi turi uchun:

Kvadratning o‘rtasiga 1.5 osh qoshiqdan zavarnoy krem soling. Keyin burchaklarini o‘rtaga olib keling va bir biriga biroz yopishtiring. Qattiq yopishtirib yubormang. Chunki pishayotganda burchaklar ochilishi kerak.

Uchinchi aylanma turi uchun:

Xamirni qolgan yarmining ustiga zavarnoy krem surkang.

Keyin uning ustiga mayda shokolad va maydalangan yong‘oqli aralashmadan seping. Men bir qismiga shokolad, bir qismiga esa yong‘oqli aralashmadan sepdim.

Keyin xamirni rulet qilib o‘rang. Ruletni 12 bo‘lakka bo‘lib oling.

Endi daniya bulochkalarini yog‘langan yoki fergament qog‘ozi solingan listga terib chiqing. Ularning ustini o‘rab 1 soat yoki ikki barobar ko‘tarilgunicha xona haroratida qoldiring.

Keyin ularning ustiga tuxum surkang.

Daniya bulochkalarini 180⁰Cda qizib turgan duxovkada 16-20 minut davomida pishiring.

Pishib chiqqan bulochkalarni ustiga o‘rik murabbosi yoki djemi surkab chiqing.

Daniya bulochkalari tayyor. Endi ularni nonishta yoki tamaddi uchun dasturxonga torting. Har qanday bulochka singari daniya bulochkasi ham yangiligida eng mazali bo‘ladi.