“Mac & Cheese” Angliyadan kelib chiqqan va tez orada AQSH va Kanadaga yo‘l topib, ko‘pchilikning sevimli taomiga aylangan. Uning zamonaviy retsepti 1770 yilda chop etilgan. Mac & Cheese 2010 yillarga kelib yana bir bor mashhurlik to‘lqinini boshidan kechirdi, va Yevropadagi restoranlarda ommabop taom bo‘lib qoldi. Yarim soatda tayyor bo‘ladigan ajoyib taom.
Kerakli mahsulotlar (5 portsiya uchun):
Avval qaynagan tuzli suvga makaronni solib qaynatishni boshlab qo‘yamiz.
Bachamel sousi tayyorlash
Sariyog‘ni qozonchaga solib eritamiz.
Erigach ustiga unni solib un pishguncha biroz qo‘g‘iramiz. Lekin un qizarib ketmasligi kerak.
Olovni pasaytirib, sovuq sutni oz-ozdan quyamiz va aralashtiramiz.
Sutning hammasini quyib bo‘lgach, unga, muskat yong’og’i, murch, tuz va lavr bargini solamiz. Olovni yana o‘rtacha balandlikka ko‘taramiz. Sousni tinmay aralashtirib, quyiltiramiz. Sous qaynamasdan quyuqlashadi.
Keyin olovni o‘chirib sousni issiqdan olamiz. Lavr bargini suzib olamiz.
Sousning ustiga qirg‘ichdan o‘tkazilgan cheddar pishlog‘ini solamiz va aralashtiramiz.
Mac & Cheese pishirishga tayyorlash
Bu orada pishgan makaronning suvini to‘kib olamiz. Uning ustiga sousni quyamiz.
Hammasini aralashtirib yog‘langan idishga solamiz (28×27 smli) va ustiga parmazan pishlog‘ini sepamiz. Men yana ustiga 50 gr krutonlarni qo‘l bilan maydalab sepdim.
Mana bu yerda krutonlarni qanday tayyorlash mumkinligini topsangiz bo‘ladi.
Endi Mac & Cheeseni 180°Cda qizib turgan duxovkada 22-25 minut davomida yoki usti tilla rang bo‘lguncha pishiring.
Mac & Cheese tayyor, uni dasturxonga issiqligida torting.
E’tibor qiling:
Makaronni ortiqcha qaynatib yubormang, ezilib ketmasin. To‘la pishishiga 1-2 minut qolganda suvini to‘kib yuboring.
Yoqimli ishtaha!!!
Blogda yana boshqa bachamel sousi ishlatilgan taomlarning retseptini ham topasiz. Masalan, mousakkaning.
Veb sahifa: www.juvajon.com
Medovik tortining retseptlari juda ko‘p. Hammasi o‘ziga yarasha mazali va… Qolganini o'qish
Qizil barxat torti AQSHning Mariland shtatida XX asrning boshlarida paydo… Qolganini o'qish
Bolonya spagettisi Italiyaning shimolida joylashgan Bolonya shahrida birinchi marta tayyorlangan… Qolganini o'qish
Afg‘oncha napoleon torti O‘zbekistonda keng tarqalgan tortlardan biri. Uning mazasi… Qolganini o'qish
Frittata juda mazali, hamda oqsil va vitaminlarga boy. Nonushta yoki… Qolganini o'qish
Oshqovoqli karri yana bir ajoyib hind taomidir. Bu sog‘lom va… Qolganini o'qish