Bagel - Nyu York usulida | Juvajon

Bagel, inglizchadan o’qilishi “beygel” Bagellarning tarixi Polshadagi yahudiylarga borib taqaladi. Lekin bagellarni dunyoga tarqatgan joy AQSHdir. Bagel tayyorlashning bir necha xil usuli bor. Bu retsept Nyu York usulidir. Bu usulda tayyorlangan bagellar chaynalma (inglizchada ‘chewy’) bo‘ladi.

Kerakli mahsulotlar (8 dona bagel uchun):

450 gr un
300 ml suv
1 choy qoshiq tuz
4 osh qoshiq shakar
7 gr xamirturush (droja)
Ozgina tuxum (ustiga surkash uchun)
Kunjut, sedana yoki boshqa urug‘lar (xohishga qarab)

Bagel uchun xamir qorish

Idishda iliq suv, 1 osh qoshiq shakar va xamirturushni aralashtirib oling va biroz tindiring (xamirturush aktivlashishi uchun).

Keyin uning ustiga elangan un va tuzni solib yumshoq xamir soling.

Xamirga 8 minut atrofida ishlov bering va ustini o‘rab 1 soat oshiring.

Xamir oshib chiqqach, uni 8 ta zuvalaga bo‘ling. Besh minut ustini o‘rab tindiring.

Endi har bir zuvalaning o‘rtasidan teshib oling va teshikni barmoq bilan kengaytiring.

Shakl berilgan bagellarning ustini o‘rab 20 minut davomida yana oshiring.

Bagel pishirish

Ungacha katta idishda suv qaynatib oling va unga qolgan 3 osh qoshiq shakarni soling.

Keyin 2 yoki 3 dona bagelni qaynayotgan suvga soling. Bagelning bir tomonini 2 minut qaynating.

Ikkinchi tomonini ontarib, u tomonini ham 2 minut qaynating.

Endi bagellarni suvdan oling va fergament qog‘oz ustiga qo‘ying. Qolgan bagellarni ham shu usul bilan qaynatib oling.

Bagellarning ustiga tuxum chaqib surkang va xohishga qarab urug‘lar seping.

Ularni 200°Cda qizib turgan duxovkada 22-25 minut davomida pishiring.

Keyin ularni sovitib dasturxonga torting. Odatda bagellarni o‘rtasidan kesib, toast qilib iste‘mol qilinadi. Yana ulardan sendvichlar ham tayyorlash mumkin.