Kiev tovug‘i (Chicken Kiev) | Juvajon

Kiev tovug‘i juda qadimdan tayyorlanib keladigan taomlardan biridir. Uning tarixi juda aniq yozilmagan. Lekin aytishlaricha XVIII asrda rus oshpazlari, fransuzcha retseptlardan ruhlanib yaratishgan ekan. Hozirda Kiev tovug‘i g‘arbda juda keng tarqalgan taomlardan biridir.

Kerakli mahsulotlar (4 portsiya uchun):

4 dona tovuq go‘shtining ko‘krak qismi
200 gr un
2 dona tuxum
200 gr non tolqoni
Tuz va murch
Yarim choy qoshiq paprika
1-2 osh qoshiq parmazan pishlog‘i (ta’bga qarab)

Ichiga solish uchun:

100 gr sariyog‘
Yarimta limonning sharbati
2-3 dona chesnok tishi
Yarim bog‘ petrushka yoki kashnich

Qo‘g‘irish uchun

40-50 ml atrofida o‘simlik yog‘i

Kiev tovuq uchun sariyog‘ni tayyorlash

Buning uchun xona haroratidagi sariyoqqa limonning sharbati, ezilgan chesnok, to‘rg‘algan petrushkani aralashtiring.

Keyin rasmda ko‘rsatilganidek qilib rulet shaklida o‘rang. Keyin uni xolodilnikka solib qo‘ying (qotishi uchun).

Kiev tovuq uchun go‘shtni tayyorlash

Buning uchun ko‘krak qismining o‘rtasidan pichoq yordamida cho‘ntak oching. Ehtiyot bo‘ling go‘sht oxirigacha kesilib ketmasin.

Qatigan sariyog‘ni diagonal yo‘nalishda kesib oling (rasmga qarang).

Endi bu cho‘ntakka sariyog‘plastinkalardan 2 yoki 3 donadan solib chiqing.

Ochiq joyini mayda cho‘plar bilan tikib chiqing. Odatda bitta ko‘krak go‘shti uchun 2-3 dona cho‘p ketadi.

Endi unga tuz, murch va paprika aralashtirib oling. Tuxumlarni ham chaqib tuz sepamiz va vilka bilan yaxshilab aralashtirib oling. Tolqonga parmazan pishlog‘ini qirg‘ichdan o‘tkazib qo‘shamiz.

Endi go‘shtni oldin unga, keyin tuxumga oxirida esa tolqonga bulab oling. Hamma go‘shtni shu usul bilan tayyorlab oling. So‘ng ularni xolodilnikka 1 soat yoki uzoqroqqa solib qo‘ying.