Kofe keyklarning ikki xil turi bor, Amerikacha va Britancha turi. Buguni retsept Amerikacha turi bo‘lib, u AQSHga nemis ayollari bilan birgalikda kelgan. Bu keksga kofe qo‘shilmaydi, u odatda kofe yoki choy bilan birgalikda ertalabki yoki kunduzgi tamaddi paytida yeyilganligi uchun shu nom bilan tanilgan. Kofe keyk tayyorlanishi juda oson bo’lgan shirinlikdir.
Kerakli mahsulotlar (28×28 smli keks uchun):
Kofe keyk xamiri uchun:
- 400 gr un
- 100 ml eritilgan margarin yoki sariyog‘
- 250 gr shakar
- 350 ml smetana yoki yog‘li qatiq
- 1 choy qoshiq vanilin
- 2 dona tuxum
- 1 choy qoshiq dolchin maydasi (корица)
- 1 osh qoshiq razrixlitel
- Yarim choy qoshiq ichimlik sodasi
- Yarim choy qoshiq tuz
Kofe keyk uchun streusel (keksning ustiga sepish uchun)
- 100 gr jigarrang shakar (yo‘q bo‘lsa oddiy shakar)
- 50 gr un
- 1 choy qoshiq dolchin (корица)
- 30 gr eritilgan margarin yoki sariyog‘
- 50 gr atrofida pekan yoki grek yong‘og‘i (men ikkalasini aralashtirdim)
Oldin streuselni tayyorlab olamiz. Buning uchun idishda shakar, un, dolchin va erigan sariyog‘ni aralashtiramiz.
Bularning ustiga tovada qizdirilgan va maydalangan yong‘oqni qo‘shamiz. Bu aralashmani chetga surib qo‘yamiz.
Idishda smetana va choy sodasini aralashtiramiz. Uning ustiga eritilgan sariyog‘, tuxum va shakarni solib aralashtiramiz.
Boshqa idishda un, razrixlitel, vanilin, dolchin va tuzni aralashtiramiz.
Endi smetanali aralashmaga unli aralashmani qo‘shib qoshiq bilan aralashtiramiz.
Endi xamirning yarmini yog‘langan qolipga quyamiz va ustiga struselning yarmini sepamiz. Keyin struselni ustini cho‘p bilan ozgina yurgizamiz, xamirga oz-moz aralashishi uchun.
Endi xamirning qolgan qismni qolipga quyamiz, va streuselning qolgan qismini ham sepamiz.
Endi kofe keykni 180°Cda 40 minut pishiramiz.
Pishib chiqqanligini gugurt cho‘pi bilan tekshiramiz.
Kofe keyk sovigach uni kesib dasturxonga kofe yoki choy bilan tortamiz.
E’tibor qiling.
Xamirni uzoq aralashtirib yubormang, bo‘lmasa kofe keyk zich bo‘lib qoladi.
Yoqimli ishtaha!!!
Blogda kofe yoki choy bilan dasturxonga tortish uchun yana boshqaq ajoyib pishiriqlarning retseptini ham topasiz. Masalan, shokoladli brauni yoki biskotti.
Veb sahifa: www.juvajon.com