Kurniki yoki tovuq go‘shtidan mayda piroglar

Kurniki odatda Rus oshxonasida tayyorlandi. Hozirda uni O‘rta Osiyo mamlakatlarida ham ko‘p uchratish mumkin. Kurniki tayyorlash unchalik ko‘p mahorat talab etmaydi, lekin mazasi shirin bo‘ladi. Marhamat men ularni qanday tayyorlashim bilan tanishing.

Kerakli mahsulotlar (22 dona uchun):

Xamiriga:

250 gr sariyog‘ yoki margarin
200 ml smetana
1 dona tuxum
400 gr atrofida un
1 choy qoshiq tuz
1 choy qoshiq razrixlitel

Qiymasiga:

2 dona kartoshka
600 gr suyaksiz tovuq go‘shti (men son qismidan foydalandim)
2-3 dona piyoz
2 dona pomidor
Ziravorlar: qora murch, kashnich urug‘i, zira, bulg‘or qalampir maydasi va tuz

Ustiga surkash uchun

1 dona tuxum
Ozgina kunjut

Kurniki uchun xamir qorish

Buning uchun un, tuz va razrixlitelni aralashtirib oling. Keyin ustiga sovuq sariyog‘ni qirg‘ich yoki maxsus moslama bilan aralashtirib ‘pesok’ qilib oling.

Kurniki yoki tovuq go‘shtidan mayda piroglar xamir tayyorlash

Alohida idishda smetana va tuxumni aralashtiramiz. Endi uni unning ustiga qo‘shib yumshoq xamir qoramiz. Kerak bo‘lsa ozgina un soling. Lekin bu xamir yumshoq bo‘lishi kerak. Endi xamirni o‘rab xolodilnikka 30-60 minutga solib qo‘ying. Ungacha qiymani tayyorlab turing.

Kurniki uchun qiyma tayyorlash

Buning uchun go‘sht, pomidor, archilgan piyoz va kartoshkani bir xil kattalikda, mayda qilib to‘rg‘ab oling.

Kurniki yoki tovuq go‘shtidan mayda piroglar tayyorlash

Ularning ustiga ziravorlar va tuz qo‘shing. Hammasini aralashtirib, bir chetga surib turing.

Kurniki tugish va pishirish

Tindirilgan xamirni oling va uni 22 bo‘lakka bo‘lib oling. Keyin ularni dumaloqlab chiqing.

Endi bitta zuvalachani olib, doira shaklida 15 sm atrofida yoyib oling. Men bo‘laklarni hammasini birdaniga yoyib olaman.

Endi xamirlarning ustiga quymani teng bo‘lib soling.

Kurniki odatda dumaloq qilib tugiladi va o‘rtasi ochiq qoladi (xuddi belyashi tugilgandek). Tugilgan kurnikini listga terib oling. Listga qog‘oz solish shart emas. Lekin men solaman.