Vanillekipferl- nemischa vanilla pechenyelari

Vanillekipferl Germaniya, Avstriya va Polsha va ularning atroflaridagi davlatlarda keng tayyorlanadigan pechenyedir. Ayniqsa uni bayramlar atrofida ko‘p pishirishadi. Juda oson retsept bo‘lganligi uchun bolalar bilan tayyorlash uchun ham ayni muddao. Marhamat retsept bilan tanishing.

Kerakli mahsulotlar:

400 gr un
200 gr sariyog‘ yoki margarin
150 gr shakar kukuni (100 gr xamiri uchun) 50 gr ustiga sepish uchun
1 chimdim tuz
1-2 pachka vanillin
120 gr atrofida maydalangan bodom yoki boshqa yong‘oq maydasi

Eng avval yong’oqni iloji boricha maydalab oling (undek yoki shakar donasidek). Bu ish uchun ‘chopper’ yoki blenderdan foydalanish mumkin. Endi maydalagan yong‘oqni, un, tuz, vanillin va shakar kukuni bilan aralashtiring.

Vanillekipferl- nemischa vanilla pechenyelari tayyorlash

Ularning ustiga sariyog‘ni soling. Hammasini aralashtiring. Men bu jarayonni mikser bilan amalga oshirdim.

Xamir biroz shaklga kela boshlagach, uni stolning ustiga ontaring, qo‘l bilan bir-biriga yopishtirib uzunchoq shaklga olib keling. Xamirga ortiqcha ishlov berib yubormang. Tayyor xamirni o‘rab xolodilnikka kamida bir soatga solib qo‘ying.

Vaqt o‘tgach xamirning ¼ ni kesib oling, qolgan qismini yana o‘rab xolodilnikka solib turing. Tashqarida qolgan xamirni, qo‘l yordamida uzunchoq shaklga olib keling.

Keyin uni teng qismlarga bo‘lib oling. Men 6 taga bo‘ldim. Necha qismga bo‘lish pechenyelarni qancha katta qilmoqchi ekanligingizga bog‘liq. Muhimi hamma pechenyelar bir xil kattalikda bo‘lishi kerak, shunda bir xil vaqt ishida pishadi.

Bitta xamirchani olib uni ham sal uzunchoq shaklga olib keling. Keyin unga yarim oy shaklini bering. Listga tering. Xamirning hammasini shu yo‘l bilan yarim oy shakliga olib keling.

Vanillekipferelni 180⁰Cda qizib turgan duxovkada 15 minut davomida pishiring.

Pishib chiqqan vanille ustiga issiqligida shakar kukuniga quruq vanillin aralashtirib seping. Vanillekipferil tayyor ular sovigach dasturxonga torting.