Vatrushka – bolaligimizdan sevimli taom | Juvajon

Vatrushkalar rus va ukrain oshxonasining vakili bo‘lib, sobiq sovet ittifoqi davlatlarida keng tarqalgan. Vatrushka xamirturushli, yoki xamirturushsiz xamirdan tayyorlanadi. Bu vatrushka oshirilgan xamirdan tayyorlangan turi.

Kerakli mahsulotlar (10 dona uchun):

Vatrushka xamiri uchun

350 gr atrofida un
100 ml sut
2-3 osh qoshiq shakar (ta’bga qarab)
2 osh qoshiq eritilgan maragrin yoki o‘simlik yog‘i
7 gr (1.5 choy qoshiq) xamirturush (дрожжи )
1 dona tuxum
Ozgina tuz
Ozgina vanilin

Vatrushkani to‘ldirish uchun

200 gr tvorog
2 osh qoshiq shakar (xohlasangiz ko‘proq)
1 dona tuxum
1 osh qoshiq un
Ozgina tuz
Ozgina vanillin
Va ustiga surkash uchun bitta tuxum sarig‘i

Vatrushlka uchun xamir qorish

Iliq sutga xamirturush va shakarni solib 5 minut tindiring.

Keyin tuxum, yog‘, tuz va elangan unni solib yumshoq xamir qoring.

Xamirga yaxshilab ishlov bering, ustini yog‘lab, o‘rab 45-60 minut iliq joyda oshiring. Xamir oshib chiqqach uni zuvalachalarga bo‘ling. Men 10 taga bo‘ldim.

Keyin zuvalalarni yog‘langan listga orasida joy qoldirib terib chiqing. Ustini o’rab 10-15 minut yana oshiring.

Vatrushka uchun nachinka tayyorlash

Tvorogni tuxum, tuz, un, vanilin va shakar solib aralashtiring. Bu aralashmani xona haroratida qoldiring.

Endi orqasi yog‘langan stakan bilan, zuvalachalarni o‘rtasida chuqurcha qilib chiqing.

Keyin bu chuqurchalarni tvorogli aralalashma bilan to‘ldiring. Men 1.5 osh qoshiqdan soldim.

Endi vatrushkalarning ustini o‘rab yana 20-25 minut oshiring.

Vaqt o‘tgash ularning ustiga ozgina sut aralashgan tuxum sarig‘ini surkang. Endi 200C° da qizib turgan duxovkada 12-15 minut pishirib oling. Men 14 minut pishirdim.