Bananli pudding AQSHda eng ko‘p tarqalgan dessertlardan biridir. U tayyorlashga juda oson, hamda mazali dessertdir. Bananli dessert har qanday dasturxonning ko‘rki bo‘lishiga ishonchim komil.
Kerakli mahsulotlar:
Zavarnoy (Custard) krem uchun:
- 2 dona tuxum
- 1.5 osh qoshiq un
- 2 osh qoshiq kraxmal
- Yarim choy qoshiq tuz
- 200 gr shakar
- 500 ml sut
- 50 gr sariyog‘
- 1 choy qoshiq vaniln
Bananli dessert uchun:
- 3 dona banan
- 250-300 gr uqalanadigan pechenye
- 300 ml qaymoq
- 3 osh qoshiq shakar kukuni
- 1 choy qozshiq vanilin
Bananli pudding uchun zavrnoy krem tayyorlash
Qozonchada un, tuz, kraxmal va shakarni aralashtirib oling. Keyin uning ustiga tuxumlarni chaqing. Endi sutni oz-ozdan quying.
Aralashmani past olovga qo‘ying. Tinmay quyulguncha aralashtiring. Aralashma quyilgach, uni olovdan oling. Ustiga vanilin va sariyog‘ni soling.
Keyin zavarnoyni boshqa idishga quying va ustini yaxshilab sellofan bilan o‘rab qo‘ying. Sellofan kremning ustiga tegib tursin. Endi kremni sovitish uchun olib qo‘ying.
Bananli dessertni tayyorlash
Buning uchun qaymoqni shakar kukuni va vanilin bilan ko‘pirtirib oling. Qaymoqni ko‘pirtirishni mana bu linkda to‘la tushuntirganman.
Pechenyelarni maydalab oling. Bananni ham diagonal yo‘nalishda kesib oling.
Endi bananlarni zavarnoy krem bilan aralashtirib oling.
Idishlarga zavarnoy krem va bananli aralashmadan soling.
Keyin uning ustiga maydalangan pechenyelardan soling. Ustiga ko‘pirtirilgan qaymoqdan soling. Shu qavatlarni yana bir marta qaytaring.
Bananli desert tayyor. Endi uni dasturxonga torting.
E’tibor qiling:
Zavarnoy kremni baland olovda qattiq qaynamaslik kerak. Bo‘lmasa u kuyib taxir bo‘lib qolishi mumkin.
Bu dessertning hamma narsasini alohida oldindan tayyorlab quyish mumkin. Keyin dasturxonga tortishdan oldin idishlarga solish kerak.
Yoqimli ishtaha!!!
Blogda yana boshqa mazali bananli desertlarning retseptini ham topasiz. Masalan banoffee pirogi.
Veb sahifa: www.juvajon.com